كن حريص جدا جدا عند التوقيع على أي عقد
من أغرب المشاكل اللي اشتغلت فيها، واحد شاري الهوا ودافع مقدم وكاتب بباقي السعر شيكات ‼️
ده حقيقي كذا مرة اشتغل في مشكلة حد شاري شقة أو محل لسه مش مبنيين أصلاً وتلاقي دافع مقدم وواخد عقد إبتدائي مكتوب فيه الأقساط وكمان كاتب شيكات بالأقساط‼️
والشركة تتأخر في ميعاد التسليم وتستهبل في التأخير وتستهبل كمان مرة في التأخير وتستهبل ثالث مرة في التأخير، وأنت بقى لو وقفت الأقساط الشركة هتعمل جنحة شيك طيب لو طلبت فسخ العقد، عادي هياخد وقته في المحكمة والشركة برده هتعمل جنحة شيك☹️
اللي بيشتري يدي لنفسه دقيقة واحدة بس يفكر إزاي انت دافع مقدم حاجة مش موجودة أصلا وتكتب الأقساط في العقد وكمان تكتب على نفسك شيكات‼️
دا لو الشركة كاسرة عينك مش هتعمل كده 😬
نشغل المخ شوية ونبطل ناخد بالمظاهر