أنا رجل مطلق وعندي ولدين وبنت الولد الكبير عايش معايا والأم أخدت الصغيرين وعملت ولاية تعليمية ونفقة والآن تركت الولد التاني وامسكت البنت فقط ومازالت معها الولاية التعليمية والنفقة ما الحل خصوصا في الولاية التعليمية

انا تزوجت من حوالي سنه عن طريق زواج السنه ومضيت علي قائمه منقولات زوجيه علي بياض وزوجتي أعطت المشغولات الذهبيه. الي أهلها وحصل خلاف بيني وبينهم علي ان يردو الذهب الي هما اخذوه وحاليا مش عايزين يرجعو الذهب وبيهددوني بالقايمه الي معاهم لأنهم كتبو ف القايمه ١٠٠ جرام ذهب واجهزه منزليه غير الي هما جابوها. مع العلم انهم كتبو القايمه بعد سنه من الزواج ولحد اليوم انا مكتبتش كتاب

ما هي الجمله التي تكتب في اخر التنازل من الورثه فيما يخص اي شئ لم يظهر في ممتلكات المتوفي

والدتى الله يرحمها ليها حساب فى البنك وبقية الورثة خدوا نصيبهم وانا لسه. لو حد فيهم حاول يتلاعب ويزور توكيل خاص منى له عشان يستلم هو نصيبى ايه الاجراءات اللى اعملهها لو رحت استلم نصيبى من البنك ولاقيتهم سلموه لحد معاه توكيل مزور منى ؟

هل ينفع اعمل محضر توقيع بالاكراه بعد م المحامي حسبي الله ونعم الوكيل فيه خلاني اعمل محضر اثبات اني اخذت مبلغ مالي كذا ..التوقيع بالاكراه ومعايا ادلة عليه لكن في طرف حاوطني ومرضيش يخليني امشي الالو خدت فلوس عشان م اشتكيش

اشتريت محل من ورثه ويوجد بنات قصر والاب وصى عليهم باعلان الوصايه وتم البيع هل هذا العقد قانوني وهل انا مسؤل او تقع عليا اى عقوبه ولو فى مشكله استرد المال ازاى مع العلم العقد خالص الثمن ولو العقد تمام اقدر اعمل صحه توقيع وتم توقيع جميع الورثه شهود على العقد اسف على الإطالة

انا عندي محل ولكن متاجر ايجار قديم والراجل بيدفع مبلغ رمزي جدا وكمان الراجل ده بياجر المحل من باطن بدون عقد مع المستأجر ويدعي أنه شريكه هل هناك طريقه لطرد الرجل اللي مأجر مني الايجار القديم ده

أنا ماضي على قائمة منقولات زوجيه بمبلغ كبير اوي و مكتوب في القائمه دي مستهلكات كتير زي بطاطين و مفروشات و حاجات بسيطه جدا من أدوات المطبخ زي عصارة ليمون و سكاكين و قطاعة فاكهه يعني حاجات ممكن تتكسر او ممكن تبوظ أثناء الاستهلاك ممكن بطانيه تبوظ او مفرش يتقطع هل الحاجات دي انامسئول عن ردها برضو حين طلبها رغم اننا استهلكناها مع بعض

دلوقتى انا ساكن فى شقة مفروشة بقالى تلات سنين وبدفع المياه والكهرباء والصيانة الشهرية وحتى لو الاسانسير اتعطل او موتور مياه الخزان اتعطل بدفع اصلاحاته من كام يوم اتقطعت المياه عنى لانى فى الدور التامن ولازم الخزان يكون مليان عشان توصلى المياه فنزلت وكان وقتها الساعة خمسة الصبح وقلت للبواب فقال لى رئيس الاتحاد منبه عليا لازم استأذنه قبل ما اشغل الموتور واملا الخزان واتصل بيه وكان نايم وصحى وشغل الموتور والمياه وصلت بالليل سمعت رئيس الاتحاد بيزعق معاه عشان صحيناه فى الوقت ده وقال رئيس الاتحاد انه هيمشينى يوم تلاتين رغم انى أجرت الشقة من سمسار مش منه والشقة مش بتاعته اصلا فانا كلمته بالتليفون وطبعا ميعرفش انى كنت واقف ف الشباك وسمعت كلامه ده وقعدت اعتذر له وعاتبنى شوية وبعدين قال لى ولا يهمك .. حتى انى كلمت صاحب الشقة بالتليفون وقلتله على اللى حصل فقالى رئيس الاتحاد مالوش دعوة بيك وانا صاحب الشقة مش هو ولو عايزنى اكلمهولك اكلمه عادى فالسؤال هو هل يقدر رئيس الاتحاد يمشينى .. وهل الاعتذار ده خلاه هدى .. ولو هو بيقول كده ساعة غضب للبواب فازاى هيرجع فى كلامه قدام البواب بعد كده لو سأله مشانى ولا لأ

ارجو إعطاء نموزج لتوكيل خاص باستلام نصيب احد الورثه في حساب بنكي لوريث اخر. شكرا

السلام عليكم ورحمة الله وبركاتة لو سمحت انا واخد ايصال امانة على شخص وقد عرضت علية قبل رفع القضية ان يتم السداد على اقساط وباى طريقة يريدها لاننى لا اريد الاذى لاحد لكن كان دائما يخلف وعده ويماطل فى السداد ورفعت قضية علية لعدم التزامة ورد المبلغ والحمدلله كسبت القضية وعلية حكم سنة ونص ولكن هو لم يحضر اى جلسة وقد تواصل معى واعترف لى من خلال رسائل بالمبلغ المستحق علية ولكن حجتة فى عدم السداد ان ليس معة اموال على الرغم انة شريك فى اكثر من مشروع تجارى فقلت لة اننى معى ايصال امانة وان شاء الله حقى هيرجع وللاسف الشديد حتى تاريخ اليوم لم يتم القبض علية على الرغم من معرفة مكانة وقد مر على صدور الحكم عشرة اشهر تقريبا فبرجاء الافادة عن الاجراءات المطلوب عملها فى هذه الحالة حتى لا يضيع حقى وحسبى الله ونعم الوكيل فى هذا الشخص ولكم جزيل الشكر وفائق الاحترام

إذا كنت قد تقدمت للخدمة العسكرية ودخلت مركز تدريب وقضيت به ١٠ ايام ثم مشيت من هناك ما هى عقوبتى مع العلم انى لم استلم سلاح ولم اعرف ما هوا سلاحى ولكم جزيل الشكر

هل أستطيع تغير اسم عائلتي في اوراقي الشخصيه؟ و هل الإجراءات صعبه؟

لو اخدت حبس 3 شهور قضيه جنائيه من اربع سنين ومعي ورقة شهادة من الجدول هل أقدر أسافر خارج مصر عادي ولا يحصل مشكله في المطار علما بأن القضية مازالت موجوده على الكمبيوتر وحاولت اشيلها ولكن ما يقال بعد 6 سنين من القضيه واشيلها من علي الكمبيوتر

صيغة باستلام شخص نصيبي من الميراث من البنوك المصرية فقط

بنت ام لطفل صغير وعليها مجموعه من وصلات الامانه من سنه ونص وسافرت بره مصر من سنه ونص وجت غصب عنها لظروف بسبب مخالفات وحاجات كتير قدرنا نشيل كل المخالفات دي هناك ونفك البلوك ليها هناك ونتصرف بكل الطرق ولكن في هنا ليها مشكله وهو الحكم الغيابي هي عايزه تسافر لابنها هناك مع ابوه وتسافر وتدفع الفلوس ولكن لالاسف موقفها الحكم الغيابي حد قالها هتعملي معارضه وفي خلال 3 شهور هتقدري تسافري والكلام ده بس هل ده هيسببلها هي مشكله اكبر هل تقدر انها تسافر ازاي تفك منعها من السفر بسبب الحكم الغيابي علشان حتي تقدر تتصرف وتدفع فلوس لاصحاب القواضي للعلم جوزها متعرفش عنه حاجه ولا عن ابنها وبالعافيه قدرت تتواصل وتحل مشكلتها هناك ولكن المشكله الوحيده ليها هنا هي الحكم الي عليها وعايزه تقدر تسافر علشان تحل مشاكلها تعمل ايه بالظبط؟