156

مشاركة

شارك على فيسبوك

شارك على لينكد إن

شارك على تيليجرام

شارك على أكس

شارك على واتس اب

اجراءات ورسوم تسجيل الوحدات العقارية

ده بيان كامل بموضوع التسجيل في الشهر العقارى عشان متسألش فيه تانى بخصوص التسجيل بشأن تسجيل الوحدات العقارية ، وما تردد مؤخراً من أن الرسوم لن تقل عن خمسمائة جنيه ولن تزيد عن ألفي جنيه - بص بقي حضرتك بتروح تقدم طلب للشهر العقاري بتدفع فعلا رسم الطلب حسب مساحة الوحده يعني لو أقل من ١٠٠ متر هتدفع خمسمية جنيه فعلا اه والله ولو اكتر من ١٠٠ هتدفع الف ⁦ -- كده سجلنا ؟ - لأ طبعا ده لسه في تصديق نقابه المحامين علي العقد بنسبة ١٪ من قيمة العقد يعني لو شقتك مثلا ب ٢٠٠٠٠٠ جنيه هتدفع الفين جنيه لنقابة المحامين -- ماشي يا سيدي ، كده سجلنا ؟ لأ لسه ، في ضريبة التصرفات ٢.٥٪ من قيمة العقد -- مش دي علي البائع ؟ - ايوووون ، ادفع وابقي طالبه بيهم طيب كده نبقي سجلنا ؟ -لا ، ده فيه لسه رسم المساحة ١٩٠ جنيه لو أقل من ١٠٠ متر و ٣٨٠ لو اكتر من ١٠٠ ، ولو اكتر من ٢٠٠ متر ٥٧٠ .. وهكذا --وكده خلص سجلنا ؟ لسه في رسم هندسي يعني رينج الف جنيه ، وقدامك حل من اتنين أما تعمله في مكتب هندسي معتمد ، وتمشي حالك مع البيه بتاع المساحه علشان يعتمده أو تتفق مع مهندس المساحه يعمله ويعتمده بمعرفته وتدفع مره واحده يعني اعمل حسابك في الفين جنيه --لاااااا بقي كده كتير ، خلاص مش هندفع اكتر من كده بعد ما المساحة تخلص وتعمل كشف تحديد هتروح ترفع الدعوي في المحكمة هتدفع رسوم حسب قيمة العقد ضريبه ودمغه واتعاب محاماه ورسم دعوي في حدود من ٥٠٠ جنيه لألف جنيه حسب قيمة العقد وبعدين تروح الشهر العقاري تدفع الامانه القضائية --ودي ايه دي كمان القضائية أن شاء الله ؟ -دى رسوم تحت حساب شهر الحكم ، تدفع ٧٥٪ منها والباقي عند تسجيل الحكم __طيب دي قيمتها كام ؟ -دي قيمتها ٤٥ جنيه علي كل الف يعني لو عقدك ب ٢٠٠ الف ، هتدفع ٩٠٠٠ جنيه ، منهم ٦٧٥٠ في الشهر العقاري و ٢٢٥٠ بعد الحكم كده سجلنا ؟ -لا طبعا ، لو ربنا كرمك وخلصت القصه دي في أقل من سنه ورفعت الدعوي واخدت حكم ، هتروح تسجل الحكم وتدفع باقي الأمانة القضائية زي ما قلنا ولو لا قدر الله مخلصتش في سنه هتعيد الكره من جديد ، عدا التصديق على العقد في نقابة المحامين