تفاصيل عن بطلان قائمة المنقولات

ينفع طبعاً

القايمة عبارة عن عقد تقر فيه بأن كل المنقولات المكتوبة في الايمة ملك للعروسة وانك اخدت منها المنقولات دي على سبيل (عارية الاستعمال) يعني اسعرتها علشان تستعملها وبعد مدة ترجعها تاني للمالكة

بعبارة اوضح

كل حاجة مكتوبة في القايمة انت مقر ومعترف انها ملك للعروسة مش ملكك لان الحاجات دي كلها عبارة عن المهر الخاص بالعروسة والمهر في الاصل عبارة عن مبلغ من المالي يتم اعطاءه للعروسة وهي تجهز نفسها ولكن العرف السائد في مصر ان العريس يقعد قعدة اتفاقات يحدد فيها التزاماته وبدل ما يعطي مقابل الالتزامات نقدي بيلتزم بانه يشتري المنقولات من المكان اللي هو عاوزه وبالفلوس اللي هو يقدر عليها وبعد ما يجيب الحاجات دي بيسلمها للعروسة لان الحاجات دي هيا مهرها والعروسة بتجيب الالتزامات اللي عليها واللي هيا عبارة عن تشريفها لنفسها ولاهلها امام زوجها واهله وبالطبيعي ان الحاجات اللي العروسة جابتها دي مملوكة لها ملكية خاصة لانها هيا اللي اشتريتها وان الحاجات اللي العريس جابها كمان مملوكة للعروسة لانها هيا المهر المسمى بين العريس وولي العروسة ولان العروسة بتاخد كل الحاجات دي وتوديها مشكن الزوجية وتسلمها للوج علشان يستعملها فالطبيعي انه تتكتب ورقة تثبت ان المنقولات اللي استلمها العريس اوصفها ايه وهو استلمها على اساس ايه وهايردها امتى.

ما سبق هو شرح مبسط لمفهوم القايمة

اما العلاقات الانسانية فوالد العروسة على صواب في انه يطلب ان العريس يمضي على قايمة منقولات زوجية لا الدين الاسلامي قرر هذا الامر لتحقيق الامان والاطمئنان بين النفوس ووضع مبدأ عام ي آية الدين في سورة البقرة (يَا أَيُّهَا الَّذِينَ آمَنُوا إِذَا تَدَايَنتُم بِدَيْنٍ إِلَىٰ أَجَلٍ مُّسَمًّى فَاكْتُبُوهُ ۚ وَلْيَكْتُب بَّيْنَكُمْ كَاتِبٌ بِالْعَدْلِ ۚ وَلَا يَأْبَ كَاتِبٌ أَن يَكْتُبَ كَمَا عَلَّمَهُ اللَّهُ ۚ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا ۚ) وبالتالي الاصول ان اهل العروسة بيكتبوا قايمة بالمنقولات اللي جابها العريس واللي جابتها العروسة والعريس بيراجعها وبيمضي عليها والاساسالديني هو تقوى الله والدليل (وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا ۚ).

اما ان حضرتك مش موافق على القايمة بحجة ان حضرتك اللي جابي كل اللي في الشقة فحضرتك تسأل نفسك سؤال مهم (ايه هو المهر اللي حضرتك دفعته للعروسه) ؟

اما اذا كانت العروسة مرتضية انها تتنازل عن القايمة فاذا كانت اكبر من 21 سنة فممكن انها تكتب بينك وبينها اقرار بالتنازل عن المنقولات اللي في القايمة وانها استلمتها منك وان القايمة لاغية وهذا لا يكون الا عن ثقة كبيرة ومحبة اكبر.

اما ان العروسة تمضي وتبصم على القايمة باسمك فدة جريمة تزوير محرر عرفي ولا انصحك بها لان هيترتب عليها مشاكل اكبر واذا قام والد العروسة بتوثيق القائمة هتبقى جريمة تزوير محرر رسمي والمضرور الأول هو العريس لانه هو المستفيد من التزوير وهيبقى متهم بالاشتراك والتحريض وفي النهاية المنقولات الزوجية من حق الزوجة والقضاء بتزوير ورقة القايمة لا يمنع الزوجة من اثبات احقيتها في المنقولات بكافة طرق الاثبات.

نصيحتي لك (الصدق منجاة) كن صريح مع والد العروسة واوصل معه لاتفاق وتراضي حتى لا تفقد مصداقيته وكرامتك امام الجميع.