اخوتى اجروا شقتى من ورايا

ليا شقة فى الحى ال12 مجاورة 6 فى مدينة 6 اكتوبر بالجيزة وانا قافلها من اربع سنين وهى باسمى وعقد التمليك باسمى. لكن ليا اخوات اكبر منى غيروا مفتاح بابها ومعاهم العقد بتاعها لانى كنت سايبه هناك .. ومن ست شهور قالولى بنفكر نؤجرها .. وكنت باتابع دايما فواتير الكهرباء بتاعتها وكانت بتبقى دايما تسعة جنيه فقط لانها مقفولة لكن فوجئت الايام دى اللى احنا فيها بان شهر 12 بمبلغ 69 جنيه وشهر 1 بمبلغ 56 جنيه وشهر 2 بمبلغ 69 وشهر 3 بمبلغ 31 جنيه .. فقلت يبقوا اجروها .. لكن سالت واحد فيهم بالتليفون وفضل يلاوعنى فى الكلام وبعد ساعتين قال لى انها زى ماهى وما اجروهاش .. فهل ممكن يكونوا اجروها من ورايا او تكون مراته اجرتها من وراه ومن ورايا خصوصا انه بره مصر ولا ممكن يكونوا بيقيموا فيها اسبوعين كل شهر مثلا بمعدل الاستهلاك ده .. وايه اللى المفروض انى اعمله ؟