ميراث الابن والبنات

السلام عليكم ورحمة الله وبركاته انا بعتذر ليكم علي الإطالة احنا ٣ بنات وولد وامنا والدي الله يرحمه تُوفي منذ شهرين وترك لنا منزل حديث (مقدر بثلاث ملايين ونصف) مساحته ٢٤٠ متر ومنزل قديم سويسي آيل للسقوط (مقدر بمليون ونصف) مساحته ١٣٠ متر اخويا خوفنا انا واخواتي وامي وهددنا واجبرنا علي اننا نمضي علي عقد قسمة وتراضي فيه ان هو يمتلك البيت الحديث وان والدتي تسكن في شقتها حق انتفاع فقط يعني بمجرد وفاتها تعود ملكية الشقة لاخونا لواحده والمنزل القديم نشترك فيه احنا الثلاث بنات مع العلم اختي كانت موضبة شقة في البيت الحديث كانت ع الطوب الأحمر وهي شطبتها سوبر لوكس وسكنت فيها وهو والدي عايش ولو والدي الله يرحمه تُوفي قفل علي الشقة بمشتملاتها بتاعة اختي وغير الكالون وقال البيت بتاعي ومحدش ليه حاجة في البيت السؤال هل ممكن نفسخ العقد دا بسهولة؟ هل هو يحق له يمنعنا من الدخول لوالدتنا المريضة لانه مش بيدخل عندها ولا بيسأل عنها واحنا بنروحلها يومين في الاسبوع دلوقتي هو شتمنا وقال محدش ييجي تاني القضية بطلان عقد قسمه وتراضي هل سهلة ومضمونة؟ وكم تكلفتها؟ جزاكم الله خيراً