قائمة المنقولات
خطيبي لا يريد كتابة قائمة المنقولات كاملة ولكن يريد كتابة الغرف الكبيرة والاجهزة والسجاد وان يترك القيمة مفتوحة بدون كتابة مبالغ ماليه فيها فهل يعتد بيها اذا لا قدر الله حدث انفصال بين الطرفين ام لا؟
الردود
قائمة المنقولات لازم تبقى موصوفة وصف دقيق بالعمارة والنوع الخامات واللون.....
و الثمن أهم شيء... مش مجمل... بل كل شيء مكتوب جانبك تمنه
حضرتك موضوع قايمة المنقولات ده احنا ماشيين فيه طبقا للعرف لأن العرف في مصر بيقول ان الزوج مبيدفعش مهر وان المهر اللي الزوج بيدفعه هو المنقولات اللي هو بيجيبها وبيكتبها في قائمة المنقولات الزوجيه
فهو لو اعطاكي مهر (غير الجنية اللي بيتكتب في القسيمه) يبقي من حقه انه يتمسك بكتابة المنقولات الخاصه بكي فقط
أما لو لم يقم بدفع المهر فمن حقك التمسك بكتابة كامل المنقولات الزوجيه الخاصه بالزوجين والمصاغ الذهبي
اما بخصوص كتابة المنقولات بدون كتابة المبلغ فده اكبر خطاء ممكن تقعي فيه ولابد من كتابة المبلغ في نهاية القائمة .
وطالما هو اتكلم معاكي في موضوع زي ده فنصيحة مني اكتبي المنقولات واكتبي المصاغ الذهبي قبل اجمالي السعر وبعد كده خليه هو يكتب بخط ايده اجمالي ثمن المنقولات ويكتب جنب اجمالي الثمن بإن الثمن لا يشتمل علي ثمن المصاغ الذهبي ويرد المصاغ الذهبي (جرامات) او بسعر اليوم وقت طلبه
وخليه يمضي في نهاية كل ورقة في القائمة
محمد نبيل
محامي جنائي، مدني، أسره، عمال، تجاري وشركات
منذ سنة
اهم شئ تكتبوا الوصف جيد لكل منقول يعلاماته أو ماركته أو لونه
علشان تكون المنقولات محدده ومعلومة. فيصعب عليه تبديلها بأخرى أقل قيمة.