Ruمنذ سنة
حكم غيابي بالحبس
عملت محضر ضرب لجوزي وبقا جنح لأن فيه تقرير طبي وحاليا خد ست شهور غيابي وهو ميعرفش لسه .. وحاليا انا معرفش مكانو اصلا عشان ابلغ عنه فهل لو فضل مختفي كدا الحكم هيسقط من عليه خصوصا أنه حكم غيابي ولا اي وهل الست شهور دول لو هو جاب محامي ممكن يطلع منها ولا اكيد هيتحبس وهل لو فكر يسافر برا مصر هيتمنع من سفر عشان عليه حكم ست شهور ولا الحكم مش نهائي ف ممكن يسافر بسهوله
الردود
اولا الحكم لا يسقط الا بعد مرور ٣ سنوات
ثانيا هو ممكن يكون عمل في إجراء فالافضل انك تتابعى المحضر ده باستمرار
ثالثا على حسب المكتوب في المحضر علشان تعرفي اذا كان هيطلع منه او هيتأيد عليه الحكم
رابعا ممكن تعملي دعوى طلاق للضرر بالمحضر ده وتاخدى حقوقك
خامسا مش هيسافر بسهولة طول ما عليه حكم بشرط ان الحكم يتسجل في الكمبيوتر
عامر محمد احمد رمضان
محامي جنائي، مدني، أسره، مجلس الدولة
منذ سنة
الحكم الغيابي لو مر عليه اكتر من ثلاث سنوات بتنقضى الدعوة الجنائية بمضى المدة
وبالنسبة لحقه فى السفر لو عمل معارضة فى الحكم عن طريق محام بترفع من على الكمبيوتر لحين ميعاد جلسة المعارضة وهنا من حقه يسافر
وبالنسبة لانه يوكل محامى يتحصل له على براءة ده بيترتب على المحضر مكتوب فيه ايه والتقرير وحاجات كتير لازم الاطلاع عليها عشان يكون الرد وافى