حد نصب عليا في فلوس فودافون كاش
لو حد نصب عليا عن طريق فدوفون كاش اعمل اي ان بعت الفلوس وقفلو الخط ومحدش بيرد وعملو ليا حظر اعمل اي ممكن حد يسعدني ضروري عشان هما شغلين ينصبو علي الناس
answers
الموضوع يختلف على حسب سبب التحويل ايه وهل كان فيه معاملة سابقة او لا والتحويل كان مقصود أو لا (فيه اسئلة كتير عشان اتخاذ الاجراء المناسب) وان كان من الافضل عمل توكيل لمحام لمتابعة الاجراءات بشكل صحيح
لو كان التحوبل لسبب مشروع روحي مباحث الانترنت معاكي الموبايل يكون رساله التحويل عليه واطبعي ايصال التحويل و اعملي محضر ولازم تتبعي المحضر
محامى يقوم بالاجراءات
التوجه لمباحث الأموال العامة وعمل المحضر اللازم وعند سؤالك وهل تتهم أحد بشئ ؟
ستكون الإجابة / أيوه انا بتهم مالك الرقم 000 بالتحايل عليا والنصب عليا عن طريق الهاتف المحمول بقصد تحويل اموال له علي محفظة الهاتف المحمول المملوكه له
وسؤال - وما مقصدك من شكواك ؟؟
هتجاوب بـ / اتخاذ اللازم قانونا نحو الاستعلام من الجهاز القومي لتنظيم الاتصالات عن مالك الرقم واحالته للمحاكمة الجنائية للاستيلاء علي مبلغ مالي تم تحويله له عن طريق محفظة الهاتف المحمول
أما إن كان لديك أي استفسار أخر فيرجي التواصل معنا عن طريق المعلومات المتواجده علي صفحتنا الشخصية
بلغي السلطات و خلي محامي يمشي في الإجراءات
عبد الرحمن عادل الطحلاوي
lawyer Criminal، Civil، Family، Administrative، Labor، Commercial and Corporate
10 months ago
بلغ مباحث الاتصالات بسنترال رمسيس بشارع رمسيس في الاسعاف أقرب محطة مترو أحمد عرابي
وممكن تعمل محضر في قسم الشرطة للرقم اللي حولت له وتطلب من النيابة الاستعلام عن اسم صاحب الرقم