قضية شيكات

الفكرة ان يوم ٢٩ / ٢ هتاخدي ورقة بأيه؟

بصي .. الورقة بتاعة المعارضة ( شهادة ) كانت بتقول ان عندك حكم غيابي بس انت طعنتي عليه بالمعارضة فطول فترة الطعن محدش من حقه ينفذ عليك لغاية ما المحكمة تحكم لان طول الفترة دي القضية مفتوحة لسه من أول و جديد

مهي المعارضة على الحكم الغيابي ، بترجع القضية من أول وجديد علشان كدة بتتحركي براحتك و تسافري و تعملي كل حاجة لكن ...

بعد يوم ٢٧ / ٢ الي هي الجلسة قضيتك هتتقفل خلاص و المحكمة هتحكم

الي تعرفيه تعمليه ان حضرتك بعد يوم ٢٧ / ٢ انك تاخدي شهادة بحكم المحكمة ... والله لو زي ما بتقولي هتتصالحي و الطرف التاني هيقر بالتصالح أو هتقدمي المستندات الي تدل على التصالح .. كان بها و المحكمة هتحكملك بانقضاء الدعوى بالتصالح

و فيه نقطة كمان مهمة .. القرار هيطلع يوم ٢٨ / ٢ او على حسب المحكمة الي في محافظتك ... فيه محاكم الشهادات بتطلع فيها سريعة .. و فيه محاكم الشهادات بتقعد فيها اسابيع .. فلو عرفتي تطلعي الشهادة بالتصالح يوم ٢٨ / ٢ سواء المحامي بتاعك يطلعهالك او تطلعيها بنفسك ..

هنا تقدري تتحركي .. غير كدة منصحكش تتحركي في مكان من غير الشهادة دي لان الحكم هيكون لسه مدرج على سيستم وزارة الداخلية و مسقطش .. و الضابط او امين الشرطة الي بيكشف على بطاقتك ميعرفش ان الحكم انقضى بالتصالح ، هو الي ظاهر قدامه انك مطلوبة على حكم تبديد تبع البنك ... لكن موقفه ايه هو ميعرفش !

خلاصة الكلام : شهادة المعارضة ملهاش اي قيمة بعد مرور زمن جلسة المعارضة .. طلعي شهادة بالحكم في اسرع مدة ممكنة بعد الحكم بالانقضاء ان شاء الله

طالما هتنتهي صلح ممكن تستخرج صوره رسميه من محضر الجلسه او شهاده من الجدول

لابد من حضور الجلسة انت او وكيلك

لازم تعمل توكيل لمحامي يحضر عنك جلسة المعارضة، لإن لو لم يحضر عنك محامي في جلسة المعارضة لن يْقبل الصلح

بعد جلسة المعارضة بتاخد شهادة من النيابة بالتصالح.

اذا كانت جلسة المعارضة ٢٧ / ٢ وسيتم التصالح فيها

الأفضل انتظار تسديد الحكم والحصول علي شهادة من واقع الجدول او صورة رسمية من الحكم و الحالتين قد تستغرق وقت ، لكن ان تعذر ذلك يمكن السفر ومعك صورة من افادة البنك بالتصالح ، و ايصال المعارضة و بنسبة كبيرة لن يعترض سفرك احد ، وان حدث ابلغهم بأن من حقهم القانوني اعلامك بالحكم الغيابي وتقديم ايصال المعارضة و التصالح واجبارهم بحصولك علي انقضاء الدعوي بالتصالح