ضامن في قائمة المنقولات الزوجيه
السلام عليكم ، حضراتكم انا مضيت علي قائمة منقولات كان مكتوب امضاء المستلم وجنبها امضاء الضامن وتحت شويه مكتوب امضاء الشاهد الاول وامضاء الشاهد التاني انا مضيت جنب (الضامن ) مش الشاهد الاول ولا التاني هوا اصلا مكانش في شهود وانا ابن عم الزوج وساكن معاه في نفس البيت هوا زوجته رفعت عليه استرداد المنقولات في محكمة الاسرة وهوا اخد المنقولات ونقلها في مكان غير معلوم وهوا شغله حر وملهوش عنوان محدد بس هوا نقل من مسكن الزوجيه السؤال انا موقفي اي قانونيا هل ممكن يطالبوني انا بحاجه او بقيمة المنقولات او اتسجن او يحجزو علي ممتلكاتي ولا موقفي اي بظبط اتصرف ازاي واخلي مسؤليتي ازاي وشكرا لحضراتكم
الردود
مسئوليتك مدنية
ولا تسأل جنائيا
ممكن يرجعوا علي الضامن مع المستلم المنقولات الزوجيه
العقوبه الجنائيه شخصيه يعني لاتسال جنائيه ولكن تسال مدني بصفتك ضامن
المسئوليه في قائمة المنقولات شخصيه والحكم شخصي على المستلم وليس الضامن
عمرو عبدالعزيز أحمد عثمان
محامي مدني، أسره، عمال، تجاري وشركات
منذ سنة
بالنسبة للسؤال عن انه ممكن تتسجن
الاجابة لأ مس حتتسجن لان الضامن بيكون ضامن للدين علمدني وليس الجنائي.
انا التنفيذ عليك او انهم يطالبوك فممكن اذا كان توقيعك كضامن يعني لو وقعت مكان الضامن ممكن يطالبوك وفي الحالة دي تثبت انت انك تقصد تمضي شاهد مش ضامن لو عرفت تثبت للمحكمة مش حيتحكم عليك بحاجة لو معرفتش تثبت حتبقي ضامن ويتحكم عليك بقيمة القائمة